MISLEADING: Coco Martin, suportado umano ang Death Penalty dahil ‘mahina’ ang pamumuno ni Marcos, Robredo

Philip Gabriel Caysido

Ayon sa isang Facebook post, suportado umano ng aktor na si Coco Martin ang pagpapatupad ng death penalty dahil sa pagiging ‘mahinang pinuno’ umano ni Pangulong Ferdinand “Bongbong” Marcos at pagiging ‘tuta ng mga sindikato’ ng dating Bise Presidente Leni Robredo.

CLAIM

Inilahad ng post na suportado umano ng aktor na si Coco Martin ang pagpapatupad ng death penalty, at ramdam daw umano ng aktor ang pagiging ‘mahina’ umano ni Pangulong  Ferdinand Marcos Jr. at pagiging ‘tuta ng mga sindikato’ ng dating Bise Presidente Leni Robredo.

Ito diumano ang buong pagsasalaysay:

”Coco Martin Suportado ang Death Penalty ramdam niya na kapag weak leader Gaya ni Marcos Leni magiging tuta lang ng Oligarkong kurap at Sindikato na mayayaman.”

RATING: MISLEADING

CONCLUSION

Bagaman nagpahayag ang aktor ng suporta sa death penalty bilang parusa sa mga mapapatunayang tiwaling opisyal, wala siyang opisyal na pahayag na iniuugnay ito sa pagiging “mahina” ni Marcos o sa pagtawag kay dating Robredo bilang “tuta” ng mga oligarko at sindikato.

THE FACTS:

• Base sa panayam ni Rico Hizon ng ANC noong Hulyo 10 sa aktor na si Coco Martin, sinuportahan ni Martin na maging parusa ang death penalty para sa mga pulitikong mapapatunayang nangungurakot.  
• ‘Kung death penalty ang parusa sa korapsyon, lalakas kaya loob nilang magnakaw?” saad ni Martin sa panayam. 
• Bagaman at tunay na may inilabas na pahayag si Martin ukol sa death penalty, walang opisyal na pahayag ang aktor na dahilan ito ng pagiging ‘mahina’ ni Pangulong Marcos at dating Bise Presidente Robredo.
• Bukod pa rito, wala ring inilabas na pahayag ang aktor na ‘tuta’ ang mga naturang pinuno ng mga ‘oligarkong kurap’ at ‘sindikatong mamamayan.’

THE BOTTOMLINE

Mapanlinlang ang Facebook post dahil iniuugnay ang mga pahayag ni Coco Martin ukol sa death penalty kina Pangulong Ferdinand Marcos Jr. at dating Bise Presidente Leni Robredo, na tinatawag silang “mahina” at “tuta” ng mga oligarko at sindikato, na maaaring mailigaw ang nakararami sa naturang konteksto ng pahayag.