FALSE: ‘Tigilan na si Rene Baterbonia upang ‘di na siya pagtawanan sa social media!’ – Vice Ganda

Sebastian Janapin

Ilang social media posts ang kumakalat na nagpapakita ng pahayag ni Vice Ganda ukol sa paggamit ng mga vloggers sa namayapang Ateneo basketball player na si Rene Baterbonia bilang content.

CLAIM

Batay sa mga posts, nagbigay ng pahayag ang komedyante, kung saan kinondena niya ang paggamit kay Baterbonia bilang content ng mga vloggers at hinikayat na tigilan na ito dahil nagiging katatawanan na lamang ang namayapang basketball player sa social media.

RATING: FALSE

CONCLUSION

Hindi nagbigay ng kahit na anong pahayag si Vice Ganda sa kahit na anong social media platforms ukol sa buhay ni Baterbonia, kaniyang pagkamatay, at paggamit ng mga vloggers sa basketball player bilang content.

THE FACTS

• Parehas na kumakalat ang umano’y pahayag ni Vice Ganda sa Facebook at YouTube.
• Sa Facebook, ang quote card ng pahayag ni Vice Ganda ay makikita at nakakalat sa iba’t ibang Facebook accounts, pages at groups na ginawa para kay Baterbonia.
• Sa YouTube naman, naka-post ito bilang Shorts format at in-upload ng channel na Renbelle Vlogs, na may higit 209,000 subscribers habang isinusulat ito.
• Sa partikular, mapapansin sa Shorts video na ginamit nito ang maikling bahagi ng interview ng mamamahayag na si Karmina Constantino kay Vice Ganda at in-edit upang magmukhang binanggit ng komedyante ang mga nabanggit na pahayag kahit iba naman ang content ng naturang interview.
• Para sa mga netizens sa parehas na platforms, ang hindi pagtigil sa pag-iingay sa kinahinatnan ni Baterbonia ay maituturing na pagkawala ng hustisya at accountability sa pagkamatay ng basketball player.

THE BOTTOMLINE

Hindi nagbigay ng kahit na anong pahayag si Vice Ganda ukol sa pagkamatay ni Baterbonia at sa paggamit kay Baterbonia bilang content ng mga vloggers.