FACT: VPSD, ‘mac-convict kahit walang ebidensya’ – Atty. Panelo

Sebastian Janapin

Kumakalat sa Facebook ang iba’t ibang quote card ng umano’y pahayag ni Atty. Salvador Panelo, presidential spokesperson ni dating Pangulong Rodrigo Duterte, ukol sa maaaring pinal na desisyon ng Senado para sa impeachment trial ni Vice President Sara Duterte.

CLAIM

Ayon kay Atty. Panelo, “Ay, hindi nila ia-acquit ’yun [si Vice President Sara Duterte]. Iko-convict nila ’yun, kahit na walang ebidensya.”

RATING: FACT

CONCLUSION

Totoong binitawan ng dating spokesperson ang mga nabanggit na pahayag nang tanungin ang kanyang opinyon ukol sa magiging desisyon ng Senado sa impeachment case ni VP Duterte.

THE FACTS

• Ang pahayag ay binitawan ni Atty. Panelo sa talk show ng Bilyonaryo News Channel na Politiko Talks. Sa October 9 episode ng naturang programa, napag-usapan ang kasalukuyang lagay ng impeachment trial, partikular sa pagtalakay ng Article II (unexplained wealth).
• “‘Yung isang senador, ‘di ba sabi niya: ‘Bakit pinapagalitan niya ‘yung mga abogado, bakit hindi niya in-advice-an na bawal ito?’ […] Tingnan mo itong judge na ito. Hinusgahan na, na talagang mali pala ‘yung ginawa. Violation ‘yun. Bakit ka pa nagj-judge? Hinusgahan mo, ‘di pa tapos ang trial,” dagdag pa ni Panelo, pahiwatig na nakapag-desisyon na umano ang mga senator-judges para sa conviction o acquittal ng Vice President.

THE BOTTOMLINE

Totoong sinabi ni Atty. Panelo na naniniwala siyang mac-convict si Vice President Sara Duterte.