FACT: Rovelyn Baterbonia, kakasuhan ang manggaya sa rebulto ni Rene

Isang Facebook post ang nagsasabing kakasuhan ni Rovelyn Baterbonia ang mga taong manggaya sa rebulto ng kanyang yumaong anak na si Rene Baterbonia at ginagawa itong katatawanan.

CLAIM:

Ayon sa post, “KAKASUHAN NA!! Rovelyn Baterbonia, kakasuhan na ang sinumang manggaya sa kanyang anak.”

RATING: FACT

CONCLUSION:

Totoo na nagbabala si Rovelyn ng pagsasampa ng kaso laban sa mga taong nangungutya sa kanyang anak batay sa News 5. Gayunman, hindi agad nangangahulugang may pananagutang legal ang lahat ng gumagaya sa rebulto ni Rene.

FACTS:

• Sa panayam ng News5, sinabi ni Rovelyn na magsasampa siya ng kaso laban sa mga nangungutya sa kanyang yumaong anak, kabilang ang mga gumagaya sa tindig ng rebulto nito. 
• Hindi awtomatikong may labag sa batas ang panggagaya sa isang pose. Sa ilalim ng Artikulo 26 ng Civil Code of the Philippines, maaaring magkaroon ng batayan para sa legal na remedyo sa ilang gawaing lumalabag sa dignidad at kapayapaan ng isip ng iba. Nakadepende sa mga pangyayari kung naaangkop ang batas sa isang partikular na kaso.

THE BOTTOMLINE:

May karapatan si Rovelyn na igiit ang paggalang sa alaala ng kanyang anak, ngunit hindi ibig sabihin na may pananagutan sa batas ang sinumang gumagaya sa rebulto ni Rene o ginagawa siyang katatawanan. Nakadepende sa konteksto at mga pangyayari kung may batayan para sa pagsasampa ng kaso.