FALSE: Mga construction worker, nasawi sa pagbagsak ng gusali sa General Santos dulot ng lindol sa Mindanao 

Jhovance Alecxis Dajao

Umiikot ang isang post online na nagsasabing ang mga construction worker sa General Santos City ay nabawian ng buhay matapos bumagsak ang isang gusali dahil sa malakas na lindol sa lugar.

CLAIM:

Isang Facebook post noong Hunyo 8, 2026 ay inangkin na ang mga construction worker sa larawan ay nasawi at natambakan umano sa isang gusali, na may caption na “Panginoon maawa Ka sa mga construction worker sa General Santos City na nasawi dulot ng lindol” sa Bisaya na diyalekto at “Lubos na pakikiramay ko sa lahat ng pamilya ng mga kababayan natin, mag-ingat po tayong lahat mga kababayan”.

Kabilang sa nilalaman ng post ang:

• Ang unang larawan na nagpapakita ng mga construction worker na tinatakpan ang kanilang mukha ng “🥺” na emoji.
• Ang ikalawang larawan na nagpapakita ng isang gumuho na gusali.

RATING: FALSE

CONCLUSION:

Walang opisyal na talaan at batayan na nagpapatunay na may mga construction worker sa General Santos City na nasawi dulot ng pagguho ng gusali dahil sa malakas na lindol. Ang mga larawan sa post ay gawa ng Artificial Intelligence (AI) at ang iba ay hindi nakaayon sa naturang lindol. 

1. THE FACTS:

• Ang lindol ay nagdulot ng 55 ka taong nasawi, ayon sa isang government tally na inilabas noong Hunyo 12, 2026. Gayunpaman, kinumpirma ng AFP Fact Check na hindi ipinapakita ng mga kumakalat na larawan ang mga nasawi sa lindol ni ang isang gusaling gumuho dulot ng pagyanig noong Hunyo 8.
• Iginiit ng SOCCSKSARGEN civil defense chief Rodrigo Sosmena noong Hunyo 10 sa AFP na hindi totoo ang mga kumakalat na pahayag at walang naitalang ganyang insidente sa General Santos City na nagresulta sa malaking bilang ng mga nasawing construction worker.
• Natagpuan ng AFP Fact Check sa pamamagitan ng keyword search ang malinaw na bersyon nito sa isang post noong Hunyo 2, kung saan hindi natatakpan ang mga mukha ng mga construction worker. Bagama’t walang nakalagay na AI disclaimer, kapansin-pansin na magkakahawig halos ng mga mukha sa larawan, at may isang tao na distorted o hindi maayos ang pagkakabuo ng mga daliri, at ang dalawang signboards sa likuran ay naglalaman ng mga magkakagulong mga salita na hindi maintindihan.
• Sinuri ng AFP ang kumalat na larawan gamit ang image verification tool ng OpenAI, na nagpakitang ang unang larawan ay mula sa gawa ng Artificial Intelligence (AI).
• Natuklasan sa pamamagitan ng reserve image search sa Google na ang ikalawang larawang kumulat ay mula sa mga larawang in-upload ng Angeles City Information Office noong Mayo 27, 2026, ngunit naganap noong Mayo 24, dalawang linggo bago ang lindol sa Mindanao.

THE BOTTOMLINE:

Ang kumakalat na mga larawan ay hindi nagpapakita ng mga construction worker na nasawi sa lindol sa Mindanao o ng gusaling gumuho dahil sa naturang pagyanig. Ang unang larawan ay gawa ng AI habang ang pangalawa ay nagpapakita ng pagguho ng isang gusali sa Angeles City noong Mayo 24, 2026, bago pa maganap ang lindol.