Mga oda at dasal para sa uring proletaryo

ANTADA NG URI

Sa ngalan ng magsasaka,

At ng mangagagawa,

At ng uring mapagpalaya

Bangon!

URI NATIN

Uri manggagawa, bumangon ka,

Ipaglaban mo ang ngalan mo!

Mapasaatin nawa ang mundong ito,

Ating linangin ito,

Mula sa kanayunan hanggang sa kalunsuran.

Igaod natin ngayon,

Ang ating kakanin sa araw-araw.

At patawarin natin lahat

Ang mga sala

Para nang pagpapatawad natin

Sa lahat ng umapi sa atin.

At huwag nating itatwa ang hanay

Sa kalaban at kaaway

At iiwas natin ang lahat ng masama.

Bangon!

ABA GINOONG MAGSASAKA

Aba ginoong magsasaka,

Sayo mula ang grasya,

Ang panginoong-maylupa ay pabagsakin mo.

Bukod kang pinahirapan sa uring lahat,

At pinahihirapan rin ang mga tulad mo.

Mga magsasaka, ina ng lupa,

Ipanalangin nawa tayong makabayan,

Ngayon at hanggang sa tagumpay.

Bangon!

LUWALHATI

Luwalhati sa maso,

At sa karit,

At sa uring mapagpalaya,

Kapara noong unang-una,

Ngayon at magpakailanman,

At hanggang sa tagumpay,

Bangon!