Chino Sy sumipa ng pilak sa Oceania Judo Open, seselyo sa SEA Games 2025

Wagi ang Davaoeñong si Chino Sy matapos makuha ang pilak na medalya sa ginanap na Heavyweight (-100kg) division sa Oceania Judo Open, nitong ika-3 ng Nobyembre sa Coast, Australia.

Hindi pinaporma ni Sy ang kaniyang tatlong nakatunggali noong semifinals bago harapin sa final round ang pambato ng Great Britain na si Oliver Barrat.

“This silver medal is another step forward. The goal remains the same—to keep improving and bring pride to the country,” pahayag ni Sy sa panayam ng Manila Standard.

Matatandaang pinatumba ni Sy ang ilang matitinding kalaban, kabilang sina Gene Kalbu Soethama ng Indonesia (ippon) at Tokuzo Takahashi ng Amerika (dalawang yuko) sa Pool D round. 

Tinalo rin niya si Jack Rigby ng Australia (isang yuko) sa semifinals.

Muling tututok si Sy sa matinding ensayo sa Japan bilang paghahanda sa 2025 Southeast Asian (SEA) Games na gaganapin sa Thailand.

May ulat mula sa Manila Standard