FALSE: Martin Romualdez, nakalaya na at nakalabas na ng bansa

Sa isang Facebook post na ngayon ay edited na, nagsasabi ito na nakalaya na umano si Martin Romualdez sa kulungan at nakalabas na ng bansa. 

CLAIM:

Ayon sa post, nakalaya na umano si Romualdez sa kulungan at nakalabas na ng Pilipinas. Sinasabi rin nitong “tuta ng sindikato” umano si Marcos at dapat nang umalis o patalsikin sa puwesto. 

RATING: FALSE

CONCLUSION: 

Walang katotohanan ang pahayag na nakalaya na si Martin Romualdez at nakalabas na ng bansa. Nanatili siyang nakakulong sa New Quezon City Jail sa Payatas, Quezon City, habang dinidinig ang kasong plunder na may kaugnayan sa umano’y ₱7.4-bilyong kickback mula sa mga proyekto ng flood control. 

THE FACTS:

• Noong Setyembre 14, 2026, iniutos ng Sandiganbayan ang pagkakadetine kay Romualdez sa Quezon City Jail sa Payatas kaugnay ng kasong plunder laban sa kaniya. Kinumpirma rin ng Bureau of Jail Management and Penology na dumating siya sa pasilidad noong gabi ng parehong araw. 
• Ang kasong plunder laban kay Romualdez ay may kaugnayan sa umano’y pagtanggap ng kickback mula sa mga proyekto ng flood control. 
• Setyembre 16, 2026, naghain si Romualdez ng not guilty plea sa kasong plunder sa pamamagitan ng videoconference mula sa kaniyang detention sa New Quezon City Jail. 
• Noong Oktubre 10, 2026, iniulat na pinayagan ng Sandiganbayan si Romualdez na lumagda sa pre-trial order sa New Quezon City Jail sa Payatas noong Oktubre 12. 

THE BOTTOMLINE: 

Hindi tunay ang pahayag na nakalaya na si Martin Romualdez at nakalabas na ng bansa. Nananatili siyang nakakulong sa New Quezon City Jail sa Payatas.