Types of BF: Anong klaseng lalaki ang bet mo?

In case namimili ka pa kung sino ang idedate mo sa dami ng isda sa dagat (o rereply-an man lang).

Hindi lahat ng lalaki pare-pareho. May lalaking green flag, may lalaking walking confusion, at may lalaking “Lord, bakit?”

So, bago ka mag-commit sa date na ‘yan, kilalanin muna natin ang mga usual suspects.

1. The Golden Retriever BF

Masaya, makulit, at parang ikaw ang buong mundo niya. Laging “good morning,” “kumain ka na ba?” at “ingat ka.” Kapag hindi ka nag-reply, nag-ooverthink agad. Kapag nag-reply ka, masaya na ulit ang buhay niya.

2. The Nonchalant BF 

Hindi siya sweet magsalita. Hindi rin siya mahilig mag-chat. Minsan mapapaisip ka kung galit ba siya o ganun lang talaga siya mabuhay. Pero somehow… nandiyan pa rin siya. Tahimik, pero present. Parang electric fan—hindi mo napapansin pero ramdam mo.

3. The Provider Mindset BF 

May plano sa buhay at hindi allergic sa salitang “responsibilidad.” Siya ‘yung seryoso mag-usap tungkol sa future pero marunong pa ring tumawa sa memes. Hindi siya flashy, pero ramdam mong hindi ka sasabayan sa “bahala na si Batman” lifestyle.

4. The Soft Boy BF 

Open sa feelings, mahilig sa deep talks, at kayang mag-type ng mahahabang message. Siya yung tatanungin ka ng “anong nararamdaman mo talaga?”—tapos maghihintay siya ng sagot. Hindi minamadali, hindi jinajudge.

5. The Funny BF 

Hindi romantic magsalita pero sobrang funny. Kahit seryoso ka, kaya ka niyang patawanin—minsan kahit ayaw mo na. May sariling sound effects, jokes, at memes na pang-2021 pa pero ginagamit pa rin.

6. The Low-Maintenance BF 

Okay lang sa kanya kahit walang date. Okay lang kahit tahimik. Okay lang kahit magkasama lang kayo pero pareho kayong nasa phone. Hindi demanding, hindi clingy, sobrang chill na minsan mapapatanong ka kung buhay pa ba siya.

7. The Walking Green Flag BF 

Marunong rumespeto, malinaw makipag-usap, at hindi ka ginagawang puzzle. Walang mixed signals, walang mind games, walang “seen lang.” Hindi ka napupuyat kaiisip, napupuyat ka lang kasi masaya ka.

So… sino riyan ang kahawig ng kausap mo ngayon? 

Clingy ba? Tahimik? Emotional? O basta yung hindi ka iiyak bago matulog?

Ngayong Valentine’s, piliin mo yung lalaking hindi lang cute sa umpisa, kundi hindi rin sakit sa ulo sa dulo.